نجي لموضوعنا اللطيف وهو النوووووووووم>>يالبيه وه بس
بما
ان احنا بإجازه وع وجه شتاء ومربعانيه وبرود وصقيع وفي هالحاله مين بس
اللي مايحب ويتمنى انه يقضي يومه كله بوسط البطااانيه وبجنب الدفايه وبحضور
الاخت بيالة حليب بالزنجبيل يااااوتش ياااازين الدفا والنووووم!
وبما
إني من عشااااق النوم اللي بيننا انا وياه قصة حوب طويييله ,ومدري فيه احد
زيي ولا لا ابكتب لكم عن طقوسي اللي مستحييل يجيني النوم لو
ماسويتها>>الله يشفيتس ويتكفل بــس
_اذا جيت انام لازم لازم مايكون فيه ولا نقطه تشع اشعاعات ضوئيه>>مهوب منتس من الفيزياء!
واذا كان فيه نور خميت الطرحه وربطتها ع عويناتي بكل ماأوتيت من قوه!
_لازم اذا جيت انام اكون في وضعية الطائر المحلق يعني لازم تكون يديني عموديه ع جسمي وتشكل زاويه 90 درجه معه>>الله يبثرتس
_كمان
لازم أقدامي ماتكون مغطاه حتى بعز البرد , مدري ليه احس دايم ان فيها خشم
يتنفس لاني كل ماغطيتها انكتمت>>عاااهه ,و كمان ماتكون ع السرير لازم
تكون طايحه يايمين يايسار لأني ماااااأحب أكون مقيده احب الانطلاق بلا
قيووود>>اجل طائر محلق هاااه؟
_برضو لازم يكون تحت راسي مالا يقل عن 3 مخدات اذا قلت عن ذلك احس اني بطيح بحفره وابختنق>> تشوفين افلام كثير؟؟؟
_عاد اهم شي أصير خامة لي شي: مخده, دبدوب, كرتون مناديل, شنطه ,جوال, مركا....اي شي>>>نقص الحنااان لااااعب فيتس
_عاد فيه حركات ما لأوووومها داااعي اني اذكرها>>لسى بعد؟؟
عاد
البارح جالسه بالصاله الساعه12 وأهز رجلي وانتظر العايله الكريمه يخلدون
للنوم العميق عشان ادرس حالتهم وش هم من لحى>> لا والله انتي اللي
تبين من يدرس حالتس!
الموهيم بعد ترقب طوييييل أمرحوا كوولهم ,هنا جت المتعه الحقيقيه في البحث والتقصي >>اعصابتس ياكونان
وأجيب نوته مافيها الا صفحه وحده منشقه وقلم ناشف ماله غطا وتبدأ رحلة التدوين وجمع الادله,,
واتضح الآتي:
1|ابوي:
ماشاالله
مستقيم بحياته كلها حتى بالنوم مستقيم ,مستلقي ع ظهره وماد يدينه ورجوله
بطريقه موازيه لجسمه,مع اصوات الشخير المتعاليه بين الفينة والاخرى!!
2|أميمتي:
لازم لازم تنام ع جنبها وكل جسمها مغطى ماعدا خشيمها>>عشان تتنفس طبعا
3|أختي الكوبرى:
هي
هاديه ومطمنها الله بسمه حتى بالنوم ,عمري ماشفت احد ينام بهدووء
زيها,مايتحرك فيها شي الا بطنها>>شهيق وزفير طبعا, ويييين شطحتووو؟؟
4|
أخوي الكوبرى قصدي الكبييير:يالبى قلبه هالإنسان احسه متزن بحياته ويحصل ع
كل مايريد!>>>اذا كنت تقرأ موضوعي لاتصدق ترى كل الدعوه مصالح
عشان وشسموه
الموهيم انه ينام بطريقة توازن القوى ,يعني كل 5 دقايق منقلب ع جهه >>امحق توازن >>>ماااش عجزت ادرسه
4|اخوي الصغيروون:
هذا حالته صعبه ,أنا ع خبري الناس ياخذون الشراشف يتغطون فيها
هو
الله يوجره لااا, ياخذ الشرشف الله يسلمكم ويسفطه (يطويه) لين يصير كانه
بسكوت أولكر هذاك اللي يغمسونه البزران بالشاهي اييه هذاك عرفتوه؟؟ ويحطه ع
راسه وصلى الله وبارك...وياااويل اللي يتجرأ ويلحفه بس ,,واذا قام الصبح
ولقى نفسه متلحف قعد يبكي يومين>>الله يشفيك ياأخيي
5| اخوي اللي أصغر مني ع طول يعني مو صغيروون:
هذا
الله يعينه ع حياته,تعرفون السرير الكبير حق نفرين؟ ايه ينام عليه بس مو
أي نومه,بما انه هو ماشالله طول في عرض في ارتفاع يساوي مسااحه>>الله
ينكد عليتس:sm1:
بالتالي ماينام زي الاوادم لااااا ,شلون اشرح لكم
,ينام بطريقه مايله عشان يكفيه السرير , يعني يمثل قطر للسرير,يعني راسه
بزاويه ورجوله بزاويه>>عايله مرفوووع عنها القلم!!
عاد باقي الاخوه اعضاء مجلس العائله اترفع برضو عن ذكر طقوسهم
درأن للمفاسد والفشايل لاأكثر>>ليه فيه أكثر؟؟؟
انتهى التحري...
سؤال:مدري نص الصفحه المشقوقه شلون شالت هذا كله؟؟؟
ماااااعلينا
ابيكم تتحفوني بمشاركاتكم وطقوسكم في النوم ,وهل ياترى فيه أحد زي عائلتي الكريمه؟؟؟
هذا الموضوع بين يديكم سووا فيه ماشئتم الا انه يروح لذاك الشيء اللي فيه حروف (م,ا,ص,ل,ه)>>بعيد الشر:
واللي عجبه الموضوع عارف وش يسوي طبعا>>ماااتلمح ابدد
واللي موعاجبه ان شالله يبشر بمواضيع أخرى تناسب ذائقته !!
ممــــــا راااقـــ لــــــــي ..
الإثنين يونيو 17, 2013 10:37 am من طرف 
ألمزأأج||
