" خاطرة طفل ابكت الكثيرين .. "

( تعرض والده لحادث مروري وبعدها وقف امام الناس وقال الخاطره الحزينه هذه) :



يايبه .. عمري .. حبيبي


لاتتأخر


ابي ترجع قبل ما أنام



وقبل ما انسى يبه اسمــــــــــع


ابي دفتر رسم احمر


وابي اقلام للتلاوين


وابي ثوب . . مثل لون الشموس اصفر


وابيك انت تلبسني


تحمل يبه ارجوك


شوي . . شوي . . وينك ؟


تعبت اتنظر


تعبت اتخيل وايدينك


يبه وينك؟


تعبت اسأل زوايا البيت


تعبت اسأل ثوبك المكوي


تعبت اشم عطرك


واحضن غيابك


تعبت اكذب على دمعي


وارتب عيني وثيابك


يبه وينـــــك ؟الف الدار واتذكر


هنا يمشي . .


هنا يجلس . .


هنا يضحك . .


يبه وينــك ؟


ويقطع حزن هالافكار


باب الدار


واصيح بصوت واتحشر . . منو بالباب . . منو اللي دق هذا الباب


انا مابي لعب . . واقلام


انا مابي هدايا


انا مابي اشوف اصحاب


يبه وينـــك؟


يبه يرضيك حالي الحين


كرهت المدرسه . والدرس . . واصحـابي


يبه وينـــك؟


كلامي يبه حارق كلامي مر


وانا اقرا في الدفتر هنا


( يوقع ولي الامـر )


مين لي فرحي تتكحل بعينه .. وضحكاته


يبه وينـــك؟


نجحت وتختنق فرحه وسط صدري


تجيني الناس وتبارك


وهذا الحزن



ولا تدري اني يتيم والسبب . . حـــادث
منقول
بصراحه اثرت فيني كثير كوني فقدت الوالد قريب وحسيت ان الدنيا اظلمت بوجهي
لاكن الحمدلله ع كل حال

اللهم اغفر لابائنا وامهاتنا واحفظ لنا من كان حياآ منهم والبسه لباس الصحه والعافيه وارزقنا برهم يارب العالمين..



<<ممآ رآق لي بشدهـ

الله يرحمه

باين انو علاقته كانت بأبوه كانت قوية كتير

بس لازم يصبر ويستغفر